Nagngangalit

Patuloy pa rin ang nasindihan...

Pagkiskisin mo ang dalwang bato at unti-unti kang makagagawa ng apoy

Apoy na may dalang init na nagpapagaan ng pakiramdam

Ngunit kailangang mag-ingat sa mga elementong makakahalo nito

Dahil ang isang elementong hindi nababagay sa apoy

Ay maaaring maging dahilan ng isang pagsiklab

Kailangan ring bantayan

Dahil ang apoy na ito ay maaaring lumaki

Ito ang apoy na makamandag, may kakayanang matupok ang lahat lahat

Hanggang sa abo na lang ang matitira

Ngunit maghanda at maging listo

Sapagkat hanggang hindi pa tuluyang napatay

At may ningas pa ring natitira

Maaari pa rin itong magliyab