Patawad...

Kung pwede ko lang talagang pira-pirasuhin ang sarili ko, gagawin ko para sa inyo.

Pero tao lang ako. Hindi naman ako Diyos na may kakayanang manatili sa dalawa at mahigit pang lugar sa iisang panahon. Nawa'y maintindihan ninyo. Hindi ko naman hawak ang lahat ng bagay. Kung ako ang masusunod, hinding hindi ko tatalikuran ang sinuman...o anuman. Sadya lang talagang may mga pangyayari kung saan kailangan kong mamili ng aking kalalagyan. Lahat naman tayo may obligasyon sa pag-aaral, pagtatrabaho, pamilya, kaibigan, minamahal at marami pang iba. Pasensya na lang kung may mga pagkakataong inuna ko ang isa rito laban sa iyo. Patawad na. Kasalanan ko. Gusto kong makasama kayo ngunit kailangan ko ring gampanan ang kung anumang responsibilidad ang meron ako sa ibang bagay. Hindi naman kasi pwedeng sa isang bagay lang iikot ang mundo natin, hindi ba? Gayunpaman, alam ko ang pagkukulang ko. At anumang paliwanag ang aking ipahayag ay hindi magiging sapat sa sakit na naidulot ko sa iyo. Patawad na.
Patawad na.
Pasensya...tao lang.