ADIK

"Isa pa, isa pa..."
Bakit ba tila'y walang katapusan itong linya
Huli na ito
Titigil na ako
Kinabukasan, makalawa
Akala ko'y nalampasan ko na
Ngunit heto na naman at nagbabalik
Di ko mapigil, sabik na sabik
ADIK!!!
Bumibilis ang tibok ng dibdib
Para bang may kung anong demonyo ang sa aki'y sumasanib
O, Diyos! Tulungan mo po ako
Walang katapusang panalangin ng pagsisisi at walang kamatayang pag-asa ng pagbabago
Iyan na lamang ang aasahan ko